رشا سامي العدل تحيي ذكرى ميلاد والدها بكلمات مؤثرة

أحيت الفنانة رشا سامي العدل ذكرى ميلاد والدها الفنان الكبير سامي العدل الذي يوافق يوم 2 نوفمبر من كل عام.

رشا سامي العدل تتذكر والدها بكلمات مؤثرة

نشرت رشا صورة من طفولتها مع والدها عبر صفحتها على "فيسبوك" وكتبت: "النهاردة عيد ميلادك يا بابا، يوم المفروض يكون مليان ضحك وفرحة، لكنه بقى يوم بيفكرني قد إيه الدنيا بقت ناقصة من غيرك، كل سنة وأنت في مكان أجمل وأحن، كل سنة وأنت حاضر في قلبي، في ذكرياتي، وفي كل تفصيلة من حياتي".

وتابعت: "يمكن غيابك أخد صوتك وضحكتك ووجودك من وسطنا، لكنه عمره ما قدر ياخد أثرك، ولا يمحي ذكراك، ولا يغيّر حقيقة إنك كنت وهتفضل جزء كبير مني، يا بابا، أنت مش مجرد أب فقدته، أنت حكاية عمر، واسم كبير، وفنان ساب بصمته في قلوب ناس كتير، لكن بالنسبة لي قبل كل ده كنت بابا، ودي مكانة محدش يقدر ياخدها".

مضيفة:"وحشتني في كل الأيام، لكن النهاردة وحشتني بشكل مختلف، كنت أتمنى أقولك كل سنة وأنت طيب، وأحضنك، وأشوف ابتسامتك، وأحتفل بيك زي كل سنة، كل سنة وأنت في دعائي، كل سنة وأنت في قلبي، وكل سنة وأنت أجمل ذكرى وأكبر غياب".

واختتمت رسالتها قائلة: "ربنا يرحمك ويغفر لك، وينوّر قبرك، ويجعل كل اللي قدمته من فن ومحبة وأثر طيب في ميزان حسناتك، عيد ميلادك في الجنة يا بابا، لحد ما يجمعنا ربنا في مكان مفيهوش فراق، بحبك، وهتفضل واحشني مهما عدت السنين، الله يرحمك يا اغلى من روحى عليا".

رحيل الفنان الكبير سامي العدل

رحل الفنان والمنتج الكبير سامي العدل عن عالمنا يوم 10 يوليو 2015، عن عمر ناهز 68 عاماً، بسبب هبوط حاد في الدورة الدموية نتيجة ضعف في عضلة القلب، تاركا وراءه إرثا فنيا استثنائيا تعاون خلاله مع نخبة من ألمع نجوم السينما والدراما التلفزيونية.

بعد إشادات الجمهور بـ "طالع نازل".. 20 صورة للنجمة منى زكي

إطلاق شعبة حماية الملكية الفكرية وحقوق الفنانين بحضور ياسر جلال

أحمد المالكي يوضح لمصراوي سر غياب لحن محمد رحيم عن ألبوم إليسا