زوجة رامي صبري توجه له رسالة: فخورة بيك أنا وعلي وعمر

عبرت شيري عادل زوجة المطرب رامي صبري عن سعادتها بالنجاح الذي حققه على مدار مشواره الفني، وشاركت متابعي حسابها الرسمي على موقع "إنستجرام"، صورًا وفيديوهات من الحفل الذي أحياه زوجها أمس الجمعة 6 نوفمبر بمناسبة مرور 20 عاما على بداية مشواره.

زوجة رامي صبري

وعلقت شيري "فرحتي النهاردة كبيرة أوي فرحة 20 سنة نجاح وكلمة نجاح دي كلمة ممكن بعض الناس تفتكر إنها كلمة سهلة، بس لما عشت وشفت عرفت إنها أصعب حاجة، نجاح يعنى صبر واجتهاد واستمرار وصمود وتعب طريق طويل وصعب، وفي وسط الطريق بتقابل اللي مش حابب نجاحك وناس بتحاربك بس عمر ما الحاجات دي عملت معاك حاجة غير إنها زادتك إصرار على النجاح اكتر واكتر".

وأضافت "شفت إصرار في 20 سنة على تقديم فن محترم وأغاني تدخل كل بيت في الوطن العربي، يحبها الأم والأب والشباب والبنات والأطفال كمان، فن تحترمه كل أسرة. وافتكر إني من أول يوم عرفتك فيه لحد النهاردة عندك نفس الشغف، نفس الإصرار، مفيش حاجة اتغيرت كل اللي اتغير إن كل خطوة وكل نجاح بتعدي بيه بيزيدك اكتر على الإصرار ونجاح أكبر وأكبر".

وتابعت شيري "لكل مجتهد نصيب، ونصيبك النهاردة يا حبيبي تحصد 20 سنة من التعب والإصرار وتشوف حب جمهورك الكبير الحمد لله، وعقبال 30 و40 و50 سنة كمان، ألف مبروك يا حبيبي فخورة بيك أنا وعلي وعمر".

رامي صبري يحتفل بمرور 20 عاما على بدايته

وأحيا رامي صبري مساء أمس الجمعة 6 نوفمبر حفلا ضخما، احتفالا بمرور 20 عاما على بداية مشواره الفني، وسط حضور عدد كبير من جمهوره إلى جانب أصدقائه من داخل الوسط الفني.

وفي تسجيل صوتي قبل صعوده على المسرح، تحدث قائلا "20 سنة عشت فيهم لحظات فرح وانتصارات وتحديات كتير ولحظات صعبة، بس عمري ما بطلت أحلم ولا فقدت إيماني باللي بعمله، كل أغنية غنيتها كانت حتة من قلبي وكل خطوة في مشواري كان وراها تعب ومجهود وحلم كبير، وجمهور حبني وآمن بيا ووقف جنبي وكان السبب أفضل مكمل، ولولا فضل ربنا وحبكم ودعمكم مكنتش هاكون في المكانة اللي أنا فيها النهاردة، مش بس بحتفل بـ 20 سنة نجاح لا عشرين سنة حب وذكريات ومشوار عشناه سوا".

رامي صبري يمازح نجليه على المسرح

وقدم رامي نجليه علي وعمر للجمهور على المسرح وقاما بإهدائه باقة ورد، ومازحهما الأب قائلا "نحييهم بقى ولادي دول، شكرا يا أستاذ علي بكام ده يا باشا، أنا اللي دافع".

إليسا: عايشة حالة حب مع شخص غير لبناني ومحدش يقدر يكسرلي قلبي

12 صورة لـ نسرين طافش بفستان أنيق والجمهور يغازلها

قيس عبدالفتاح بعد زواجه: "تزوجت تونسية وعمري 81 وهي 59 عاما"