"إنذار من ربنا".. ماذا قال النجوم عن أزمة الدراما؟

تفاعل عدد من نجوم الفن مع منشور المنتجة مها سليم، الذي تحدثت خلاله عن ارتفاع تكاليف الإنتاج وثبات حجم الإعلانات، ووجهت رسالة إلى الفنانين والعاملين بالصناعة للتعاون من أجل الحفاظ على استمرارها.

وكتبت مها سليم عبر حسابها الخاص على موقع "فيسبوك": "طيب خلوني أقول لكم حاجة مهمة ومش هعملها تاني، كلنا السبب في اللي إحنا واصلين له ولسه هنوصل لأسوأ لو كملنا كده".

وأضافت: "اللي كان واخد جنيه السنة اللي فاتت طالب 3 جنيه السنة دي، الصغير والكبير طالب من الإنتاج عربيات تجيبه وتوديه، سواء نجم أو فريق خلف الكاميرا، كل واحد عايز مساعد واتنين وراه، وكل فنان وراه فريق عمل".

وتابعت: "وحجم الإعلانات زي ما هي، لا ومش بس كده، ده بقى في جزء من الصرف الإعلاني بيتم صرفه في وسائل تانية بعيدة عن الشاشات، وعدد القنوات والمنصات زي ما هو".

ووجهت رسالة إلى العاملين بالصناعة، قائلة: "ساعدوا نفسكم وساعدونا إننا نشتغل، دي صناعة كبيرة مفتوح منها بيوت كتير جدا جدا، وعلشان تفضل قائمة ومستمرة، وحضرتك عايز تحسب بدل ما تطلب 10 جنيه اكتفي بـ8 جنيه علشان تشتغل بدل ما كلنا نقعد في البيت".

واختتمت: "ده بخلاف مشاكلنا الإنتاجية في التسويق، أرجوكم من أول المنتج لحد أصغر عنصر في العمل، ساعدوا نفسكم وساعدونا علشان تفضل بيوتنا كلنا مفتوحة، وشكرًا، سلام عليكم".

صلاح عبد الله

علق الفنان صلاح عبد الله على منشور مها سليم، قائلًا: "بس أنا ماطلبتش يا مها، عشان ماحدش طلبني أصلًا".

وأضاف: "اللي فات هزار، أما الجد بقى. كلامك يا بنتي 100/100، ورسالتي من خلالك لكل المنتجين توحدوا ونفذوا، بس إوعوا تيجوا على الصغيرين اللي أجورهم ملاليم".

كريم الحسيني

ومن جانبه، علق الحسيني على منشور المنتجة مها سليم: "تمام، بس الشركات برضه المفروض تدور على المواهب الكبيرة اللي قاعدة في البيت بقالها سنين، سواء خلف الكاميرا أو قدامها، سواء نجوم صف تاني أو تالت أو جراندات أو شباب أو أدوار ثانوية".

وأضاف: "دوروا على الكرو اللي ورا الكاميرا اللي قاعد بقاله سنين، أكيد دول مش هيطلبوا 10 جنيه ولا عربية توديهم وتجيبهم ولا 15 مساعد، أنا مش بتكلم عن نفسي، أنا بتكلم على الناس اللي بتموت من الاكتئاب والمرض والإحباط، لو جبتوا الناس اللي إيدها في الشغلانة من سنين الدنيا هتتظبط".

عفاف مصطفى

وتفاعلت الفنانة عفاف مصطفى مع منشور مها سليم، مشيرة إلى أنها توافق على الأجور التي يعرضها عليها الإنتاج، بسبب التزاماتها المادية ومسؤولياتها، وكتبت: "أقسم بالله، لغاية هذا اليوم اللي بيطرحه عليا الإنتاج من أجر ومن أول كلمة بيعرضها بقول آمين ولا أعترض، أقول حتى أجيب مصاريف البيت ومصاريف حياتي الشخصية، لأني عليا مسؤوليات فظيعة غير البيت في أجور عمال.

وأضافت عفاف مصصطفى: "أرهقت جدا وفرهدت، والواحد خايف يرفض شغل مش هيعرف يعيش ويتعرض للسؤال".

أشرف فايق يعلق على أزمة الإنتاج

ووجه المخرج أشرف فايق رسالة إلى مها سليم، وكتب: "إنتي السبب لإنك طول عمرك منتجة شيك وبيهمك الكواليتي على حساب الفلوس".

مدحت تيخا: "الجمهور في وادي وإنتوا في وادي"

وكان الفنان مدحت تيخا أثار الجدل بمنشور عبر حسابه الخاص على موقع "فيسبوك"، انتقد خلاله أوضاع صناعة الدراما وقلة فرص العمل.

وكتب: "بعد سيزون واحد من غير شغل بتشتكوا، أومال اللي بيقعدوا بالسنين ما يشتغلوش يعملوا إيه، وموهوبين والناس بتعشقهم".

وأضاف: "اللي حاصل ده جرس إنذار من ربنا عشان تفوقوا، بس أنا متأكد إن محدش هيفوق، كل الصناع عارفين السبب، بس محدش يجرؤ يقول أو يلمح حتى، ورضيتم بالظلم وعملتوا مسلسلات وحشة أوي بناس مبتعرفش تمثل ولا تخرج ولا تصور ولا تألف، وكل ده عشان السبوبة تمشي، وتجيبوا بتوع سوشيال ميديا يطلعوا مسلسلاتكم دي السما بالكذب طبعًا، عشان تصدقوا كذبتكم وتفرضوا ذوقكم على الجمهور، والجمهور في وادي وإنتوا في وادي أصلًا".

عبد الله أبو الفتوح: "الشغلانة بتتأكل"

وكان المنتج عبد الله أبو الفتوح قد أثار الجدل بمنشور عبر حسابه الخاص على "فيسبوك"، تحدث خلاله عن صعوبة العمل في الوسط الفني، وكتب: "فعلًا إحنا مش عارفين نشتغل، والشغلانة بتتأكل".

داليا البحيري

وتفاعلت الفنانة داليا البحيري مع المنشور، وعلقت: "أكلت يوم أكل الثور الأبيض! لما الناس شافت اللي قاعدين في البيت بدون مبرر وسكتوا ومعملوش حاجة ولا اتكلموا! الدور جه وجاي على الكل بدون استثناء".

رانيا محمود ياسين

وعلقت الفنانة رانيا ياسين على منشور أبو الفتوح: "المنظومة فيها خلل من سنين بسبب الأجور المبالغ فيها ومشاكل كتير خاصة بالتصاريح والفلوس اللي المبالغ فيها اللي بتتدفع علشان نصور في أماكن خارجية، من يوم ما بقى كل شيء مبالغ فيه الشغلانة عمالة تخرب، وأنا أيد داليا البحيري في كلامها، في ناس قعدوا البيت بدون مبرر، ربنا يلطف بالشغلانة".

نرمين الفقي

وكتبت الفنانة نرمين الفقي: "ربنا يستر على الشغلانة وعلى الصناعة، الكل بيعاني إنتاج وإخراج وفنانين وفنيين".

منشور منة فضالي على فيسبوك

ومن جانبها، أثارت الفنانة منة فضالي الجدل برسالة غامضة نشرتها عبر حسابها الرسمي على موقع "فيسبوك" وكتبت: "البقاء لله في الشغلانة والفن وحسبي الله ونعم الوكيل".

شريف منير ينشر صورا مع نجوم الفن داخل الطائرة في طريقهم للجونةمها سليم تعلق أزمات الإنتاج: "ساعدوا نفسكم وساعدونا علشان نشتغل"

هبة مجدي تطلب الدعاء لـ إنجي علاء بعد أزمتها الصحية

مي عمر تكشف صور التحضيرات الأولى لمسلسل "حليمة جبران" رمضان 2027

حدث بالفن| فيفي عبده تكشف إصابة زوج ابنتها بالسرطان ومحمود سعد يعلق على صورة الزعيم