ارتفاع أسعار خامات التصنيع أزمات تلاحق صناعة الأثاث في دمياط

أزمات متعددة باتت تهدد مستقبل صناعة الأثاث داخل دمياط، ما دفع المئات من أبناء المهنة إلى التفكير في حلم السفر للخارج بحثا عن مستقبل يضمن لهم الاستمرار في الحياة.

أمام منتجات الأثاث في السوق العالمية وقف المنتج الدمياطي يسارع من أجل المنافسة غير أن ارتفاع أسعار خامات التصنيع لم تسمح للأثاث الدمياطي بالاستمرار في المنافسة ليكتفي فقط بحجز مكان متوسط في السوق المحلية.

داخل ورشة لصناعة الأثاث يقول اسلام فايد شاب ثلاثيني: «ورشتى كانت تضم 20 عاملا، والآن اكتفيت بـ5 فقط، الشغل مبقاش كتير زى الأول، وكل زيارة في خامات التصنيع تقفل عندى خط إنتاج».

وتابع: «النجار في دمياط بيشتغل بالخسارة يادوب يقدر ياكل ويشرب ولو استمر في شغله هيدخل السجن، أسعار الخامات في ارتفاع مستمر بلا رقيب مفيش حد عارف يشتغل».

وأشار: «صنايعية كتير سابوا البلد وسافروا بره عشان يقدروا يعيشوا الحال هما في دمياط صعب علينا جدا».

انتقلنا لورشة دهانات ليبدأ الاسطى محمود عيش حديثه قائلا: «التنر كل أسبوع بسعر جديد، آخر زيادة ارتفع 150 جنيها في الجالون، مش عارف أحاسب الزبون على شغلى إزاى، ده غير أن أصحاب المعارض مش بترفع سعر الشغل يعنى أنا صاحب ورشة لكن بشتغل باليومية زى زى العمال بالظبط».

وأوضح: «سفر العمال للخارج خطر كبير على مستقبل المهنة إزاى هنقدر ننافس الأسواق دى وهما بيشتغلوا بالعمال الدمايطة، أسواق التصدير هيجي عليها يوم وتقفل في وشنا».

وأوضح: «عندى 53 سنة وحاولت أسافر أى صاحب ورشة هما بيفكر دلوقتي في السفر السوق في دمياط بينتهى».

استمر صناع الأثاث بدمياط في شرح أزماتهم فيقول السيد المريح عامل تنجيد: «الإسفنج زاد 200 جنيه خلال 10 أيام، كل الخامات زادت اخشاب وابلاكاج وخدمات دهانات إزاى نعرف نشتغل بالشكل ده».

وأوضح: «السوق المحلي هو الأمل الوحيد الباقي لصناع أثاث دمياط، وفي ظل أسعار الخامات دى مش هنعرف نشتغل».

على جانب آخر، بحثت الغرفة التجارية أزمات صناعة الأثاث، عن طريق فتح قنوات تسويق للمنتج الدمياطي، وأشار محمد فايد رئيس الغرفة التجارية بدمياط قائلا: "الاهتمام بالسوق المحلى أحد قنوات التسويق التى تهتم بها الغرفة لفتح مجالات تسويقية أمام صناع دمياط، لافتا إلى أن ارتفاع اسعار الخامات أمر يرتبط بأسعار عالمية والتى تؤثر بشكل مباشر على هذا الأمر.

وأكد رئيس الغرفة التجارية بدمياط قائلا: " نحاول استعادة مكانة المنتج الدمياطي بالسوق المحلى مع وجود خطة لفتح مجالات داخل سوق أفريقيا نعمل وفق خطط هدفها ترويج الأثاث الدمياطي لمواجهة تلك الازمات.