منى زكي عن رحلتها بعد تكريمها في مهرجان الجونة السينمائي: الخوف كان ملازمني

عبرت النجمة منى زكي عن سعادتها وتأثرها في نفس الوقت، بحصولها على جائزة الإنجاز الإبداعي من مهرجان الجونة السينمائي في افتتاح الدورة التاسعة، اليوم الخميس 15 أكتوبر، وسط حضور كوكبة من نجوم الفن.

محمد شاكر خضير يقدم جائزة منى زكي

قدم الجائزة المخرج محمد شاكر خضير، وصعدت منى على المسرح، تحاول أن تغلب دموعها، معلقة "مش عارفة أقول إيه، بس هقول زي زميلي الفنان فتحي عبدالوهاب شكرا وربنا لطف، فعلا لطف ولطفه كبير".

كلمة منى زكي

وتابعت "الخوف كان ملازمني في الصعود والوقوف، ملازمني في حياتي كلها، أتمنى أكون دائما محاطة بناس زيكم وعيلة فنية زيكم، كتير انتم اللي وقفتوني، بشكركم وأشكر كل مخرج وكل مؤلف وأي حد وراء الكاميرا علمتوني كتير قوي، انتم عائلتي الكبيرة".

ووجهت رسالة للشباب: "ما تخلوش الخوف يتحكم فيكم، حاولوا تطنشوه ما تحسوش بيه، ودوسوا عليه لأنه بيكتف، هي حرب لازم نعملها بداخل أنفسنا عشان نقدر نقوم تاني ونكمل، وان شاء الله أكمل.. شكرا قوي".

تكريم منى زكي

وكان محمد شاكر قدم منى قائلا "قدرت تسيب أثر بداخل كل واحد فينا، صاحبة مسيرة استثنائية، على مدار مشوارها جسدت المرأة بكل بساطتها وعمقها، كانت صادقة وأمينة، شفنا معاها ستات وقعنا في حبهم وعرفناهم بجد، عمرها ما جردت الست من إنسانيتها".

وتابع "محظوظ اللي كان وراء الكاميرا وشافها وهي بتشتغل هيشوف إخلاصها، رقتها وقوتها ويمكن ضعفها، هيشوف حبها لأسرتها وزملاءها وهم بيتحولوا لمعجبين، هيشوف إنسانة فنانة عظيمة ملهمة وشجاعة، بنحتفل اليوم بمشوارها واللي لسه جاي.جائزة الإنجاز الإبداعي لإنسانة مليانة حياة ومليانة فن".

بالصور.. بوسي شلبي تتألق بإطلالة أنيقة في مهرجان الجونة

يسرا تستعيد ذكريات الدورة الماضية من مهرجان الجونة السينمائي